الزين و الشين

[عبدالعزيز]

السلام عليكم

صبّحكم الله بالخير جميع

هذي قصيده من قصايدي القديمه

سبق نشرها في بعض المجلات الشعريه..

اقول:

ياصاحبي قد قلت لك قبل عامين
ترا المعزه من ضميري و بالي

بأحذرك لا تحسب المال و الدين
احسب حسابي قبل وقت الرحالي

لو كان جاء ياصاحبي بيننا بين
فرقات عندي مثل حب الرمالي

الله ياكم شفتك ايام و سنين
واليوم ما انت حولنا بالشمالي

ان كنت يابن الناس عايش بوجهين
ترا الوجوه بها صحيح و خيالي

الصقر صقراً و اجوده قيل شاهين
والمر يبقى مر و الغير حالي

أسمّعك و ابختصر فيك بيتين
اقبل علومي كلها و الخصالي

الزين معروف وبين العرب زين
تبقى وصوف الزين بين الرجالي

والشين معروف وبين العرب شين
والشين بين الناس ماهوب غالي

فرقاك يالصاحب تعادل ملايين
وانا اذكرك بالخير اول وتالي

وسلامتكم

[قلوب هادئـــــه]

صح لساااااااااااااااااااااانك مليون ولا يكفون

هُـنا الكلمات العـذبه و شمـوخ الحرف
هُـنا متعة الهمس و اصالة الكلمـة
هُـنا يوجد الشامخ:

[ عبدالعزيز ]

إطلاله ممزوجه بالفخامه
من شاعر حملت مشاعره العطاء
ودون أسمه بماء الذهب بين فرسان القصيد ..!
صـح لسانكِ .. و إحســاسكِ

لا عدمنا جديدك وأطلالتك (( عبدالعزيز ))

تقديري

[عبدالعزيز]

اختي الكريمه

قلوب هادئه

صح ابدنك
واشكرك على مرورك و متابعتك
والله يعطيك العافيه

تحياتي لك

[هلالية والزيلعي ليا]

يعطيكي العافية اختي (قلوب هادئة)

[سمو المشاعر]

صح لسانك ياأخوي

..

من روائع قلمك

,,

تقديري

,